Analisti Frrok Çupi thotë se me fjalimin e tij para punonjësve të Bashkisë Tiranë, kryeministri Edi Rama dha mesazhin se ai është kthyer atje ku ka qenë, por për të marrë përgjegjësi, pas arrestimit të kryebashkiakut Veliaj.
Në emisionin “Real Story” në ABC News, Çupi u shpreh se pas vendimit të SPAK, janë prishur balancat dhe shtoi se Tirana ka mbetur pa qeverisje.
“Erion Veliaj është nr.2 i shtetit, nuk është thjesht kryetari i bashkisë, është në punë të përditshme. Pse ndodhi kjo? Edi Rama kishte për detyrë t’i mblidhte të vegjëlit, ata, pas bombës që i ra, janë të hallakatur, të hutuar, ka nevojë t’u thuash ku të shkojnë. Për mua plotësoi disa plane. Plani i parë, tentoi të plotësojë planit e kompletimit të qeverisë. Tirana ka mbetur pa qeverisje. Tentoi ta mbulojë këtë, është gjë që reflekton me Evropën, me Perëndimin. E dyta, plotësoi një plan legjisltativ, në sensin që, mblodhi edhe Këshillin Bashkiak. Dëshmoi se në një mënyrë juridike, se nuk mund te privohet, liria për t’u qeverisur, vjen prej kushtetutës. Ajo çfarë plotësoi, idenë se janë prishur balancat pas vendimit të SPAK, për të marrë në burg Erion Veliajn. Në sensin praktik, kishte dy ose tre gjëra. Kishte problemin që po shkojmë në zgjedhje. E dyta, kujtoi Evropën, që ne na duhet të paraqitemi para Evropës, pas mbarimit të zgjedhjeve. Plotësoi raportin që u ktheva unë, mori përgjegjësi, u ktheva aty ku isha.”, theksoi ai.
