Impianti i Përpunimit të Ujërave ka bërë bashkë pasditen e së dielës në Vlorë, Edi Ramën, ambasadoren Romana Vlahutin dhe drejtues lokalë.
Përmes një postimi në Facebook, kreu i ekzekutivit transmeton LIVE aktivitetin ndërsa shprehet se investimi në fjalë është një vepër e rëndësishme për mjedisin dhe turizmin.
Rama tha se përveç ujërave, heqja e mbeturinave do ta shpëtojë njëherë e përgjithmonë Vlorën.
“Ktheni kokën pas dhe shihni sa shumë është bërë në këto vite në krahasim me dekadat e lënies së gjërave në rrjedhje të lirë” – tha kryeministri.
Ndërkohë, ambasadorja e BE-se u shpreh se më shumë sesa 9 milionë euro janë orientuar për infrastrukturën e ujërave në Shqipëri.
“Invetsimi i Bashkimit Evropian nuk ndalet këtu. Këtë objekt ua dorëzojmë me besimin e plotë se do të kujdeseni për qëndrueshmërinë e tij” – tha Vlahutin teksa përmendi edhe ndërprerjen e lidhjeve të paligjshme nga qytetarët dhe bizneset.
Sipas saj, ky është një investim strategjik edhe për brezat që do të vijnë.
“Është e mrekullueshme të shohësh sesi është transformuar Vlora në pak vite” – tha ajo.
/javanews/b.d
