Kryeministri Edi Rama në podkastin e tij kishte të ftuar të rinjtë e FRPD-së së Vlorës të cilët braktisën PD-në për tiu bashkuar Partisë Socialiste dhe kandidates Zamira Sina.
Klidi Metaj, Sara Bodo dhe Klea Lalo thanë se e braktisën PD-në për shkak të mos respektimit të rinjëve, të primareve dhe shumë të tjera që sipas tyre janë të gabuara.
Po ashtu ata thanë se pasi u bashkuan me Partinë Socialiste janë fyer nga anëtarët e PD duke i quajtur tradhtarë: “Na shanë të dielën, të hënën na morën në telefon familjarët e atyre që na shanë “do vijmë dhe ne”.
Por tashmë sin ë çdo takim Ranma foli për integrimin e Shqipërisë në BE ku tha se nuk duhet të harrojmë trenin që ëshë paraqitur para syve.
“Duhet patjetër të mos harrojmë trenin në BE që na është paraqitur para syve. Për herë të parë na ka buzëqeshur fati. Është e rëndësishme të kapërcejnë, dhe përtej arsyeve legjitime. Liderët në fillim dëgjojnë, pastaj nuk dëgjojnë se mendojnë se i dinë të gjitha dhe pastaj fillojnë prapë të dëgjojnë. Unë realisht e kam kaluar këtë trajektore e jam në këtë fazë. Gjëja që kam mësuar është nëse do të kuptosh tjetrin duhet patjetër të futesh në këpucët e tjetrit. Nëse do të kuptosh tjetrin duhet të përpiqesh ta lexosh përse e bën dhe në çfarë perspective e sheh. Në këtë sens bashkimi sa më shumë është vendimtarë”, tha Rama.
Gjatë bisedës së tyre, Klidi Metaj tha se më përpara të rinjtë e PD nuk ka pasur ftesa nga PS, por kanë patur “persekutimin”.
“Im atë është oficer policie. Në 2013, sa vini ju e hiqni nga puna. Kishte mbaruar Akademinë e rendit. Ngeli pa punë. Më thuaj si mundet një familje demokrate të të dojë kur ti I heq nga puna. Unë dilja në protestë, pedagogia më ngeli se isha me PD-në. Duhet ndryshuar kjo”, tha ai.
