Pas mbledhjes që zhvilloi pasditen e së martës me drejtuesit e 4 qarqeve, kryeministri Edi Rama ka thirrur sot në orën 9 mbledhjen kryesisë së PS.
Mbledhja e kryesisë është thirrur për të harmonizuar politikat shtetërore me të zgjedhurit vendore.
Pjesë e diskutimeve pritet që të jetë asambleja në 22 korrik, por edhe cështje të tjera në organizimin e PS-së.
Kryeministri ditën e djeshme mblodhi në selinë e PS për rreth 1 orë drejtuesit në qarqet që ai do të marrë në koordinim politik, Lezhën, Shkodrën, Dibrën dhe Kukësin.
Nga kjo mbledhje Rama dha 10 porosi ku kryesoret ishin për zëvendësimet që do të bëhen në bashkitë e djathta.
Thuhet se në mesazhin e kryeministrit ishte se do të shkarkohen menjëhere stafet politike, por zëvendësimet do të behen me propozim të kryetarit të Bashkisë dhe miratim të Këshillit Drejtues të Rajonit dhe në dy nënkryetarë një duhet të jetë detyrimisht grua.
g.kosovari
