Pas seancës parlamentare, kryeministri Edi Rama u nis drejt Brukselit ku mblidhen 6 kryeministrat e Ballkanit Perëndimor, takim i cili mbahet për herë të 3-të gjatë këtij viti dhe organizohet nga Përfaqësuesja e Lartë për Politikë të Jashtme në BE Federica Mogherini.
Para takimit mes kryeministrave të rajonit, shefi i qeverisë Rama zhvilloi një takim kokë më kokë me Mogherinin.
Lajmi bëhet publik përmes një njoftimi në twitter nga zëdhënësja e Komisionit Evropian Maya Koçijançiç.
“Federica Mogherini darkon me Kryeministrat e Ballkanit Perëndimor. Tani, takim bilateral me Kryeministrin e Shqipërisë, Edi Rama” – shkruan Koçijançiç.
Në takimin jo-formal të kryeministrave të rajonit, fokusi është te bashkëpunimi te sfidat e përbashkëta të vendeve të rajonit për integrimin evropian.
BE përmes nismave të tilla synon pikërisht afrimin e vendeve të rajonit për thellimin e bashkëpunimit në fusha të ndryshme.
/a.m.
