Kreu i qeverisë, Edi Rama, nga takimi me banorë të njësisë administrative numër 5, në prani të kryebashkiakut Veliaj, ministrit të Diasporës, Pandeli Majko dhe banorëve të zonës, nuk ka lënë pa përmendur presidentin e vendit, Ilir Meta.
Duke ironizuar me LSI-në, Rama ka thënë se ata po lënë pa punë jo vetëm këta të PD-së, por edhe vetë Presidentin.
Bisedën e nisi kryebashkiaku Veliaj, i cili komentoi “vetëvrasjen politike” të partive opozitave, ku dhe bëri ironi me LSI-së. Ironisë së tij, Rama iu përgjigj me batutë për Metën.
“Ata po lënë pa punë edhe presidentin, edhe ai po i bie këmbës që ta heqin nga puna”, tha Rama, duke iu drejtuar Majkos, “Ti dhe unë jemi në rregull e ka komisioni Manja-Gjuzi”.
Më pas Rama iu drejtua sërish Majkos: “Ti i dole borxhit, në mënyrën që duan ata, nuk donin. Se edhe unë i dal borxhit, por në një mënyrë tjetër”.
Veliaj: LSI nga partia që iu gjente punë të gjithë, partia që sot i la pa punë
Rama: LSI-ja i la pa punë edhe demokratët, edhe Metën. Po i bie këmbës që ta heqin nga puna, s’po bën gjë pa punë për ta hequr nga puna
Kreu i qeverisë komentoi edhe ecurinë politike të PD-së, sipas së cilit nuk është ajo që qenë vite më parë.
“PD-në nga luan e kthyen në lepur”, tha Rama.
g.kosovari
