Komunikimin e Javës në rrjetin e tij social, Kryeministri Rama ja ka kushtuar Samitit të Diasporës shqiptare, duke deklaruar se pas suksesit të tij, qeveria do të krijojë Këshillin Kombëtar të Diasporës, në mënyrë që të gjitha vendimet e marra nga ky takim të jetë të institucionalizuara. Rama ka shtuar se me ngritjen e një strukture, samiti dhe vendimet e tij si dhe ato që do të vijnë në vitet në vijim do të materializohen në zotime dhe fakte.
Më tutje kryeministri ka shtuar se tashmë ka nisur puna për krijimin e një “atlasi” të shqiptarëve kudo në botë, në mënyrë që edhe ata të votojnë në Shqipëri.
Kjo javë u shënua si java për herë të parë qysh nga rënia e regjimit të vjetër dhe rihapja e rrugës së migrimit të shqiptarëve… shteti shqiptar kujtohet më në fund ti mbledhë shqiptarët e shqipes në një samit… më mirë vonë se kurrë dhe sidoqoftë kurrë nuk është vonë për tu angazhuaer në një përpjekje të përbashkët mes Shqipërisë, Kosovës e kudo në europë, nën moton të pandarë për Shqipërinë.
Samiti mblodhi për herë të parë pa asnjë dallim rreth 1 mijë përfaqësues nga rreth 40 vende. Synimi është i qartë, të ndërtojmë një urë të re dhe sa më të fortë komunikimi dhe ndërveprimi, e po ashtu të nxisim me të gjitha mënyrat ndërtimin e urave lidhëse mes komuniteteve shqiptare, për të shfrytëzuar sa më shumë energji shpirtërore dhe sa më shumë vullnete njerëzore.
E dimë se nga e thëna në të bërë është në mes një det i tërë, por jam tejet i inkurajuar nga ky takim i parë. U kërkoj ndjesë të gjithë atyre që nuk u mbërriti ftesa… por lejomëni tju them se e nisëm këtë organizim në një shkretëtirë të plotë mungese të të dhënave, adresave për shqiptarët nëpër botë. Askush nuk e mendoi në këto 20 e kusur vite ti kontaktojë ata. Ja pse qeveria dhe diaspora, do të angazhohen së pari të krijojnë Këshillin Kombëtar të Diasporës Shqiptare.
Këshilli do të jetë një strukturë qendrore, që do të udhëheqë bashkëpunimin me diasporësn, veprimtarinë për të vënë në jetë të gjitha angazhimet e ndërrmara në këtë sdamit. Qeveria jonë e ka nisur tanimë punën për të bërë regjistrimin e shqiptarëve jashtë vendit tonë. Ky regjistrim do të krijojë bazën për votimin në distanncë dhe do të ndihmojë në krijimin e atlasit të shqiptarëve kudo në botë.
Do të krijojmë dhe do të ndajmë të përditësuar një bazë të të dhënave për shqiptarët kudo në botë.
Ndjesia e jashtëzakonshme e këtij samiti konfirmon edhe një herë sesa shumë mund të arrijmë nëse jemi bashkë. I falenderoj nga zemra të gjithë pjesëmarrësit në këtë samit shumë inkurajues./javaa.k
