Duke i paraprirë përfundimit të negociatave mes qeverisë dhe FMN-së, Kryeministri Edi Rama tha se nuk do të ketë rritje të taksave për shqiptarët. Ditën e nesërme pritet që të bëhet publik raporti i përfundimit të negociatave mes qeverisë dhe FMN-së.
“Nesër bëhet prezantimi publik i përfundimit të negociatave me FMN, unë mund të pararend të nesërmen duke vënë theksin në dy aspekte. Së pari nuk do të kemi rritje taksash çka konfirmon, por këtë herë jo me zërin tonë por me qëndrimin e FMN-së, se gjithçka është propaganduar për rënien e të ardhurave nuk ka lidhje me arsye t e gënjeshtërta që i janë servirur publikut, por ka lidhje me gjendjen objektive të konjekturës ndërkombëtare, që nga ulja e çmimit të naftës, mineraleve, inflacionin e me radhë dhe nga ana tjetër nuk do të prekim llogarinë kapitale, pra do të vazhdojmë të investojmë. Konfirmimi i ecurisë brenda programit të konsolidimit financiar dhe rritjes ekonomike me FM është konfirmimi më inkurajues që vendi mund të merrte sot, kam parasysh se jemi në një proces larg së qeni i përfunduar i reformave, jemi në një operacion që vazhdon.” – theksoi Rama.
Në lidhje me operacionin kundër informaliteti Kryeministri theksoi se kjo ishte e vetmja rrugë që Shqipëria të kthehej drejt rrugës së zhvillimit dhe progresit ekonomik. Sipas Ramës, Shqipëria dhe ekonomia e saj janë ende në sallën e operacionit, për tu pastruar nga trupi saj metastazat e krijuara nga korrupsioni dhe keqqeverisja.
“Jemi në një operacion që vazhdon, jemi ende në sallën e operacionit, për të pastruar organet e gjithë trupit të ekonomisë dhe të shtetit tonë nga metastazat e krijuara për shkak të kancerit të keqqeverisjes, korrupsionit dhe keqadministritt në të gjithë sektorët.Sot jemi këtu për të vazhduar në një debat të hapur në operacionin kundër informalitetit, që është njëra ndër arsyet se pse qeveria ishte në një pozicion të favorshëm besimi kur diskutonte me FMN. Kemi mkrijuar besimin dhe kjo na siguron kushtet për të vazhfuar më tutje. Nuk jemi këtu në momentin kur mund të flasim për rezultate përfundimtare, por jemi në momentin kur mund të themi se ja cfarë bëmë dhe ku mund të arrijmë.” Tha Kryeministri.
Ministri i Financave, Shkëlqim Cani njoftoi se deri më 31 mars, biznesi i madh do të punojë me kasën fiskale me individët për masën 10% ndërsa pas kësaj date të mos punojë më me kuponë.
“Deri më 31 mars 2016 biznesi me shumicë ka mundësi të faturojë ose punojë me kasën fiskale me individët për masën 10%. Ne ndryshojmë traditën, lejojmë që edhe për 4 muaj e gjysmë, biznesi i madh të lëshojë kuponë për individë dhe pas kësaj date të mos punojë më me kuponë, për t’ia lënë këtë biznesit të vogël. Biznesi i madh ka qenë ai që na ka argumentuar që mosshitja me kuponë na pengon, kështu që duke u marrë me biznesin e vogël për lëshimin e kuponit, automatikisht ndihmojmë biznesin e madh me faturën tatimore. Sistemi i ri i IT në Drejtorinë e Përgjithshme të Tatimeve e bën automatike rimbursimin dhe për shmangur të këqija t e së kaluarës kemi ngritur Drejtorinë e Rimbursimit, analizohet online kërkesa. Bizneseve të mëdha u hapet hapësira për të ulur nivelin e riskut të tyre nëse do të pranojnë që auditimi i biznesit të tyre të realizohet nga kompani auditimi ndërkombëtare”, deklaroi Cani.
