Kryeministri Edi Rama i është përgjigjur akuzave të opozitës lidhur me datën e negociatave
Rama tha se opozita punoi ditë natë kundër vendit, por megjithatë morëm një vendim pozitic për hapjen e negociatave verën tjetër.
Rama u shpreh se me këtë opozitë nuk kemi se çfarë të diskutojmë. Kryeministri duke iu drejtuar opozitës i ironizoi duke thënë ”O Zot pse nuk e kufizove budallallëkun, pse e lë pa kufij”.
“Duhet të pajtohemi me këtë fatkeqësi, nuk kemi opozitë”, tha Rama në Kuvend
“Kjo është opozita e vetmë në historinë e procesit të integrimit që punon ditë natë kundër vendit të vet sa herë hap gojën dhe nxjerr fjalë në gjuhë të huaj. Nuk e thëm unë, nuk e thëmi ne, e thonë miqtë e Shqipërisë. Çfarë mund të debatojmë me këtë opozitë? Të debatojmë pse opozita jonë është e vetmja që thotë Shqipëria dështoi, ndërsa Këshilli Europian poston edhe kartolinë urimi për shqiptarët. Ne nuk nuk kemi punë me këta, pasi kemi shumë për të bërë në këtë stad të ri”, tha Rama
Kryeministri deklaroi se ka marrë ftesë për të shkuar në Bruklsel.
“Kam marrë ftesë për të shkuar në Bruksel për të filluar diskutimin për punën pregatitore që është puna e gjithë procesit analitik për hapjen e negociatave. Në korrik vjen ekipi i Komisionit Europian”, deklaroi Rama
Basha: Rama është “Hamzai” i interesave të vendit
Pas fjalës kryeministri Edi Rama u largua nga salla e Kuvendit, ndërsa fjalën e mori Basha.
Basha tha se Rama ka rritur eksportin e krimit, drogës dhe emigracionit. Basha tha se Rama “do iu shesë sapunin për djathë, hapjen e negociatave për mos hapjen e negociatave”.
Basha e krahasoi Ramën me Kim Jong Un, i cili u tha qytetarëve të vendit të tij se Koreja e Veriut kishte fituar kampionatin Botëror të futbollit.
“Askush përveç Këshillit Europian nuk mund të hap negociatat. Rama brodhi cep më cep duke rrahur gjoksin se në Shqipëri nuk ka më krim dhe se Shqipëria i meriton hapjen e negociatave. Ne shkuam kryeqytet më kryeqytet, ku edhe në ato vende që e dinë shumë mirë që Edi Rama ka rritur eksportin e krimin, eksportin e drogës dhe emigrimin”, tha Basha.
Basha shtoi më tje se negociatat nuk janë hapur, ndërsa theksoi se tashmë janë 13 kushte për të plotësuar dhe jo më 5.
“Në Europë nuk shkohet duke mashtruar, duke gënjyer.Rama është “Hamzai” i interesave të vendit. Nuk janë më 5 kushtet fillestare, por tashmë janë 13. Shqiptarët duhet ta kuptojnë që vendimin për negociatat e hapin vetëm vendet anëtare. Gjermania ka insistuar jo vetëm do të ketë një kontroll rigoroz të 13 kushteve. Për sa kohë të kemi një ministër të brendshëm duke ndihmuar vëllai e tij të lidhur me trafikun e drogës, një ish-ministër tjetër eksportues të drogës në Europë, qershori i vitit tjetër do të jetë edhe më keq se ky qershor”, tha Basha.
Javanews.al/a.ç
