Nga Vlora, kryeministri Edi Rama i është drejtuar sërish Reformës në Drejtësi duke thënë se teksa fushata elektorale ka zënë të gjithë veprimtaritë, në anën tjetër, një grup “skuthash” po tentojnë të bëjnë një puç.
Rama e ka fjalën për Unionin e Gjyqtarëve, të cilët këtë të mërkurë kanë çuar në Gjykatën Kushtetuese ligjin e Vettingut, duke hedhur akuza jo të pakta, të cilat herë të tjera kanë marrë mjaft kritika.
“Ne të gjithë jemi të fokusuar tek fushata, ndërkohë që në krahun tjetër është një puç kundër reformës në drejtësi. Unioni i gjyqtarëve kërkon të zhbëjë ligjin e vettingut dhe monitorimin e kontrollin e gjyqtarëve për lidhje me krimin. Si ka mundësi sot si skutha, kur të gjithë njerëzit janë të përqëndruar tek fushata dhe zhbllokimi i Vettingut, këta kërkojnë përsëri ta godasin. Kjo do të thotë se vettingu është tamam si temiani që tremb diallin. Dhe i vetmi garant për reformën në drejtësi është PS.” tha Rama
I ftuar në emisionin Studio e Hapur, Rama ka folur në lidhje edhe me kritikën e Ilir Metës, i cili e quajti kryeministrin mosmirënjohës. Për këtë, kryeministri u shpreh se janë pjesë e fushatës.
“I kam dëgjuar këto shumë kohë më parë dhe janë gjëra që i konsideroj si pjesë të një procesi elektoral. Nuk është problemi im. Nuk merrem fare me të”, tha Rama.
INTERVISTA
Tonet janë ulur, ju e quani kreun e opozitë djalë të mire, por kjo klimë të le të vazhdosh që kjo marrëveshje është përtej asaj të 17 majit?
Unë mendoj se marrëveshja për të cilën bëra çmos është një marrëveshje që i intereson Shqipërisë. Kërkesa ime për të marrë një mandat të plotë nuk është një kërkesë për më shumë pushtet për vete. Se po te ishte kjo ne do prisnim 18 qershorin dhe Luli do priste natën për pak fresk se gjatë ditës do kishte vapë.
E kishit menduar që do bënit fushatë me dy gishtat lart?
Dy gishtat erdhën dhuratë nga fati sepse ne kemi numrin dy në listën e partive në fletën e votimit. Nëse do kishim numër tjetër do gjenim qasje tjetër. Por në këtë rast është një rastësi që më kujton Hegelin që rastësia është shpata që domosdoshmëria çan rrugën.
Nuk besoj se ka qenë largësia hegeliane, por një kurban siç është LSI?
Nuk ka lidhje kurbanesh. Unë nuk dua të bëj komente për largimet se janë larguar dhe të tjerë që nuk janë të LSI. Partitë nuk mund të jenë administratore të shtetit. Unë nuk përzihem fare me këtë proces, por në këtë rast, ajo që fitojmë nga ky proces është më e madhe. Këto do jenë të parat zgjedhje që garohet pa presion. Opozita është në garë dhe nëse populli vendos të mbajë timonin e qeverisjes dhe të referimeve dhe bashkërisht të bëjmë avokatin për e Shqipërisë për anëtarësimin.
