Kryeministri Edi Rama komenton miratimin e opinionit përfundimtar të Komisionit të Venecias, për vetingun në politikë.
Në qëndrimin e tij Rama ironizon kryedemokratin Lulzim Basha, duke thënë se “u mbyt” në ujin e Venecias.
“Eh Artist, s’më vjen mirë për ty, po ti s’vë mend! Vate e u mbyt në ujin e Venecias edhe Gjojavetingu yt, një nga ato manovrat e tua në xunkth që e kanë bërë PD aq shumë joserioze në sytë e njerëzve, sa jeni hedhur në ilegalitet për të penguar dialogun mes studentëve e qeverisë”, shkruan Rama.
Në ndryshimet e bëra nga Komisioni i Venecias saktësohet, se shtetet kanë të drejtë të kufizojnë të drejtën për tu zgjedhur.
“Në varësi të situatës politike, një kufizim për një rrethanë të caktuar, që mund të jetë i nevojshëm për një shtet, mund të mos aplikohet për një shtet tjetër”, thuhet në përfundime.
Megjithatë Venecia shprehet se qëllimi i amendamenteve të PD është legjitim por nuk jep zgjidhje, ndaj parlamenti duhet të dialogojë për mekanizmin si do bëhet vettingu.
Miratimi i opinionit përfundimtar nuk është pasqyruar ende një njoftim zyrtar nga Komisionit. Më herët, në media u aludua se lajmi është shpërndarë nga selia blu.
/a.çupaj
