Kryeministri Edi Rama ka vijuar ironinë me kryetarin e Partisë Konvervatore, Kujtim Gjuzi për të cilin jo pak herë e ka quajtur si “Nalt Madhnia” dhe si të “papërgjegjshëm”, që jeton ende në kohën e Monarkisë.
Madje Rama ka shkuar më tej teksa Gjuzi ka replikuar më të, kryeministri e ka ironizuar duke e përshëndetur në mënyrën se si nderohej në kohën e Mretit Zog.
Por gjatë fjalës së kryeministrit, deputeti Kujtim Gjuzi fliste nga vendi duke i ndërprerë fjalën disa herë kreut të qeverisë.
Por si gjithmonë kryeministri Rama e ka kaluar me batuta.
“Ai atje ka hallin e monarkisë, por janë halle luksoze në krahasim me hallet e tyre, kështu që hallet tuaja luksoze mbajini vet, se erdhi se nuk erdhi monarkia ti je mbret nuk të lëviz njeri nga froni je mbret pa mbrëtëri, por mbret je. Naltmadhni ulu, ulu se jemi akoma në Republikë”.
“Lartmadhëri, dallimi mes teje dhe meje është se ti ke jetuar që në Luftën e Parë Botërore. Ti vjen nga Lufta e Parë, flet me kompetencë. Një mbreti i lejohet të shkelë rregulloren”, përfundoi kryeministri.
g.kosovari
