Ashtu siç paralajmëroi mbrëm kryeministri Edi Rama i ka dërguar sërish Presidentit Ilir Meta propozimin për dekretimin e Sandër Lleshi si ministër i Brendshëm.
Vetëm pak minuta pasi Meta foli për gazetarët, Rama me anë të një statusi në Twitter njoftoi se ka rifirmosur ridërgimin e kërkesës për dekretimin e Sandër Lleshit, ndërsa theksoi se bashkëngjitur do t’i dërgohet presidentin një relacion i detajuar shpjegues.
“Sapo kam rifirmosur për ridërgim kërkesën për dekretimin e Sandër Lleshit Ministër i Brendshëm, drejtuar Presidentit të Republikës. Bashkëngjitur do t’i dërgohet Presidentit edhe një relacion i detajuar shpjegues, në funksion të dekretimit të Ministrit të Brendshëm“, shkruan Rama
Pak minuta më parë kreu i shtetit, pavarësisht se nuk dha asnjë argument ligjor për vendimin e mosdekretimin, tha se amatorët duhet të lexojnë Kushtetutën
“Sa i takon anës ligjore, padashur të jap leksione për Kushtetutën, por të gjithë amatorëve, diletantëve, apo të njëanshëmve, do t’i ftoja edhe një herë të lexojnë të lexojnë Kushtetutën dhe kompetencat e Presidentit”, tha Meta në një prononcim për gazetarët, duke shtuar se “akt formal apo ceremonial është vetëm betimi tek Presidenti”.
Javanews/a.ç
