Kryeministri Edi Rama mban një takim me kandidatet per kryetare bashkie, në Pallatin e Kongreseve në kuadër të zgjedhjeve lokale të 30 qershorit 2019.
Kreu i qeverisë iu drejtua opozitës duke theksuar se të iki Rama që të qetësohen të marrosurit për pushtet.
Gjatë fjalës së tij, numri një i qeverisë theksoi se unë nuk i iki kësaj detyre se në çdo drejtim kam nisur një luftë që nuk ka shans ta lë në mes.
“Nuk e mundim dot me zgjedhje, ndaj Rama ik, o burra të shpëtojëm vatanin, se kemi me vete edhe filxhanin. Të iki Rama që të qetësohen të marrasurit për pushtet, por është hap pas, nga nisi rruga jonë e vështirë. Unë nuk i iki kësaj detyre se në çdo drejtim kam nisur një luftë që nuk ka shans ta lë në mes, ku përballem me probleme dhe ku nuk i gëzohem dot një arritje reale, se buuum ballafaqohem me një problem real. Një luftë ku një herë marr frymë i lehtësuar kur zgjidh hallin e një njeriu të zakonshëm, herën tjetër mezi mbushem me frymë kur dikujt i është cënuar e drejta“, tha Rama.
Kryeministri i ndali akuzat e tij më të shumta ndaj ish-kryeministrit Sali Berisha, për të cilin tha se më shumë se sa vdekja, ka frikë nga përballja me drejtësinë.
“Një vend mbahet peng nga një njeri që plaket si mos më keq, ka shaluar gjuhën shqipe dhe ka masakruar çdo normë. 30 vjet janë mjaft për të thënë boll në 30 qershor. 30 vjet janë boll që ky vend mbahet peng nga individ që plaket si mos më keq, por që si mos me keq, ka shaluar gjuhën shqipe dhe masakruar çdo normë sjelljeje nga kanuni i Lekë Dukagjinit te ato më ta latuarat. Janë boll 30 vjet që ky vend të thith gazin nga i njëjti individ që urrejtjen e PPSH-së e eksportoi në PD dhe e mbolli në cdo parcelë të Shqipërisë, e çudit planetin me djegie mandatesh.
I njëjti lider, në krye të së njëjtës parti që si president dogji Shqipërinë në luftë civile, si kryeministër vrau dhe plagosi protestues që armën më të rrezikshme kishin pankartat, të vazhdojë sot të kërcënojë me zjarr e flakë popullin nga frika se do i vi më shpejt fleta e drejtësisë se sa fleta e takimit me Shën Pjetrin.
Sot duan me çdo kusht ta bëjnë leckë në sytë e botës. I humbën zgjedhjet si në harados, edhe pse ishin në qeveri, Kapitulluan politikisht në parlament, e moralisht”, tha shefi i mazhorancës para kandidatëe për kryebashkiakë të Partisë Socialist në garën elektorale të 30 qershorit.
g.kosovari
