Partia Socialiste ka mbledhur sot Grupin Parlamentar për të diskutuar në lidhje me pasuesin e Adriatik Llallës.
Kryeministri Rama ftoi sërish opozitën për të gjetur një zgjidhje për kryeprokurorin e përkohshëm.
Ai deklaroi se do të presë një bashkëpunim nga opozita për emrin e ri në krye të Prokurorisë së Përgjithshme, ose në të kundërt maxhoranca do ta zgjedhë vetë me shumicë të thjeshtë pasuesin e përkohshëm të Llallës.
Rama ka pasur edhe një lutje për kryetarin e Partisë Demokratike. Ai tha se PS kërkon ta vërë politikën në funksion të vendit.
“I lutem shumë Lulzim Bashës ta dëgjojë mirë këtë mesazh dhe të marrë të gjithë përgjegjësinë e udhëheqjes së opozitës në drejtimin e duhur. Dhe drejtimi i duhur është çelja e negociatave me Bashkimin Evropian. Negociatat nuk çelen me Partinë Socialiste, negociatat çelen me gjithë Shqipërinë. Ato nuk jaën një proces që zgjat sa një mandat, por një proces më i gjatë. Sa më shpejt të çelen negociatat, aq më mirë është për Shqipërinë dhe çdo forcë opozitare që aspiron të qeverisë këtë vend” – tha Rama.
Fjala e Ramës:
Integrimi
Duke iu referuar takimeve në Bruksel, Shqipëria gjendet më afër se asnjëherë çeljes së negociatave dhe 6-mujori i parë i vitit që po hyjmë mund të jetë vendimtar për vendin tonë. Morëm vlerësime shumë inkurajuese lidhur me ecurinë e vendit tonë në të 5 drejtimet e përcaktuara nga Komisioni Europian si prioritete kyçe. Nisja e zbatimit të vettingut tashmë është një kusht i plotësuar dhe në muajt në vijim do të japë rezultatët e para të nevojshme për të shtyrë zbatimin e reformës në drejtësi, por edhe vendet e BE drejt një vendimmarrje pozitive.
Lufta kundër drogës
Morëm vlerësim për luftën kundër krimit të organizuar, trafiqeve dhe korruppsionit, çka u konfirmua edhe në takimet e ministrit të Brendshëm, bazuar edhe në rezultatin shembullor në luftën kundër kanabisit, rezultat i konfirmuar edhe nga partnerët. Sot në Bruksel do të dëgjohet drejtpërdrejtë edhe GdF që ka raportin e monitorimit, çka dëshmon që e kemi fituar këtë luftë.
Vettingu në polici
Vettingu në policinë e shtetit që do nisë në janar është pritur shumë pozitivisht në BE.
Kryeprokurori
baza ligjore për zgjedhjen e kryeprokurorit është më se e qartë, por është krijuar një situatë moskuptimi nga ana e opozitës. I drejtohem sërish më thirrjen që ta shfrytëzojmë këtë moment për të shfrytëzuar çdo mundësi mirëkuptimi, për të patur një zgjedhje të mirëkuptuar mes palëvë. E kemi qartësisht mundësinë që ta zgjedhim vetë kryeprokurorin e përkohshëm, njësoj siç mund të hynim në zgjedhjje pa opozitën, por nuk e shfrytëzuam atë mundësi në emër të interesit kombëtar. Qëllimi ynë strategjik është i materializuar në çeljen e negociatave, ndaj është momenti të bëjmë pikënisjjen e një procesi ndërverprimi dhe bashkëpunimi me opozitën.
***
Partia Socialiste ka mbledhur sot Grupin Parlamentar për të diskutuar në lidhje me pasuesin e Adriatik Llallës. Mbledhja është hapur nga Taulant Balla i cili ka kërkuar edhe një raportim nga kreu i Komisionit të Ligjeve, Ulsi Manja.
“Komisioni i Ligjeve ka vërejtur se në ndryshimet Kushtetuese që miratuam me konsensus të gjerë, nuk është parashikuar ndonjë rregullim të posaçëm për ndërprerjen apo zgjatjen e mandatit të Kryeprokurorit” – tha Manja.
Sipas tij, Kushtetuta parashikon vetëm përfundimin e mandatit të tij 5-vjeçar. Manja theksoi se Partisë Socialiste nuk u intereson emri, por mjafton që kandidatët të plotësojnë kriteret.
“Pushtetin e hetimit në Shqipëri nuk e ka më Prokurori i Përgjithshëm, sot fatmirësisht me reformën në Drejtësi ne ia kemi kaluar gjykatës. Pra nuk ka asnjë merak, sepse kontrollin mbi dosjet e bën gjykata” – tha kreu i Komisionit të Ligjeve. /b.d
