Kryeministri Edi Rama shprehu keqardhje për përplasjet me aleatin në qeveri për gati 4 vite, LSI-në. Teksa ishte ulur për një kafe me banorë të njësisë nr.1, Rama pohoi se koalicioni PS-LSI ishte i vlefshëm, ndërsa pohoi se ishte aleati i tij që ndryshoi drejtim politik. Mes të tjerash ai tha se edhe njerëzit e kanë kuptuar tashmë se nuk mund të vlejë më shprehja ‘shtyje sa ta shtyjmë’.
“I qëndroj shumë idesë që koalicioni ishte i vlefshëm dhe më vjen keq që ata ndryshuan. Secili ka të vetat, dhe ata kanë argumentin e tyre. Është fatkeqësi që e kthyen nga një projekt të madh politik, me një luftë për pushtet dhe në një komponent hienash. Nuk do jemi hienat e njëri-tjetrit, pasi s’kemi sfidë që të përplasemi me njëri-tjetrin. Puna është që të jemi bashkë. Mua më vjen shumë keq. Njerëzit e kanë kuptuar një gjë. Nuk shtyhej më; shtyje sa ta shtyjmë”, tha Rama.
ma.me
