Kolegji Zgjedhor ka pranuar sot kërkesën e Lëvizjes Socialiste për Integrim lidhur me kërkesën e kësaj të fundit për të pasur numëruesin e tretë në KZAZ.
Përfaqësuesi ligjor i kësaj cëshjte ishte ish-ministri i Drejtësisë, Ylli Manjani, i cili pohoi se tashmë vendimi i Kolegjit ishte kthim në shtratin ligjor. Ndërkohë, Gjin Gjoni ishte kryesues i Kolegjit.
KQZ hodhi më 14 qershor shortin për të përcaktuar anëtarin e tretë të numërimit, ku në tavolinat me numër çift do t’i përkasë LSI-së dhe në ato me numër tek PDIU-së.
Mbledhja për shortin e numërimit është shoqëruar me incidente. Partia Socialiste dhe ajo Demokratike do të kenë nga anëtarin e parë dhe të dytë në grupin e numëruesve. Nga ana tjetër është marrë vendimi që numëruesi i katërt të jetë në radhët e PR-së.
