Kryeministri Edi Rama ka folur për herë të parë në lidhje me vizitën e tij në Miami, gjatë ditëve të para të janarit të këtij viti, një vizitë e cila u komentuar gjërë nga media vendase. Kryeministri, në një intervistë me gazetaren Eni Vasili, në emisionin “Studio e Hapur” ka shpjeguar gjithashtu edhe situatën në lidhje me ndeshjen që ai pa në SHBA Miami, një çështje e cila u bë objekt i sulmeve të opozitës kundrejt Ramës.
“Kudo ku të jem unë gjithmonë është problem për ata që duan ta bëjnë problem… unë u nisa për një fjalë të dhënë një burri shumë të moshuar i cili përpara Vitit të Ri kaloi një sëmundje shumë të rëndë dhe e kam telefonuar në spital dhe i kam thënë se gjithcka do të shkojë shumë mirë dhe se Vitin e Ri do ta festonim së bashku. Mora 3 ditë shumë të cmuara, sepse janë ato pak ditë që ti mund të bësh pushim, ato ditë ku të gjithë flenë… dhe mora një rrugë shumë të gjatë me Lindën, ditë të cilat koinçiduan me fillimin e reshjeve në vend… e vërteta është se unë atje kam qenë dy ditë e gjysëm dhe reshjet kanë filluar më pas, gjysmën e dytë të ditës…Fakti që nuk je fizikisht aty apo këtu nuk ka rëndësi të madhe në ditët e sotme, sepse punën unë e kam bërë njësoj… jetojmë në një kohë kur përmbytjet kanë filluar të prekin edhe vendete e zhvilluara, për shkak të ndryshimeve të klimës. Pak kohë më parë në Britani ka patur përmbytje, ku kishte edhe viktima, ka patur një debat të madh në parlamentin e Britanisë për këtë çështje.”- u shpreh Kryeministri.
“E vërteta është që në rradhën e parë dhe në rradhën e dytë, biletat nuk shiten dhe janë të rezervuara dhe ata që i kanë janë korporat, kompani ose persona që i rezervojnë gjatë gjithë vitit. Fati ishte se dikush që kishte një rezervim të tillë, na dha mundësinë për të parë atë ndeshje. Nuk është ndeshja e 100 që kam parë, mu dha një mundësi dhe e pashë dhe ku është mëkati tani këtu. Nuk kushton sepse është një karrige e rezervuar. Kjo ishte një vizitë tërësisht private i paguan pjesa më e mirë e familjes, që është gruaja ime. Ajo është personi që mban llogaritë e familjes. E vërteta është që vizitën atje e kemi financuar vetë. ”- tha Rama.
