Varet nga pozicioni dhe ajo që sheh mund të jetë ose lart, pse poshtë, ose e bardhë, ose e zezë, ose e mirë, ose e keqe. Po të dëgjosh dy rivalët e hershëm Rama e Berisha, njëlloj si dhe sot në Parlament, qytetari i thjeshtë nuk kupton dot asgjë nëse më parë nuk i drejtohet kalendarit.
Sepse varësisht pozicionit, në pushtet apo në opozitë, të dy këta burra i dëshmojnë shqiptarëve sesi e shohin ata Shqipërinë.
E nisi Doktori që e akuzoi Ramën për homofobi dhe me një enumeracion të pandalshëm: Çfarë të keqeje ke projektuar tjetër për shqiptarët, shpjegoi sesa keq po jetonin shqiptarët në këto dy vite të qeverisjes së vendit nga e majta.
Duke lënë të kuptohet sesa mirë kishte qeverisur ai vetë në tetë vjet. I përgjigjet menjëherë Rama duke kujtuar në mënyrë të përmbysur të njëjtën strukturë fjalimi: sa keq e kishte gjetur Shqipërinë në 2013-ën dhe sa më mirë është duke u bërë vendi. Askush në Shqipëri nuk bie dakort me tjetrin, sa kohë tjetri është kundërshtar politik.
