Vetëm pak minuta, pasi kryeministri Edi Rama e emëroi zv. ministër të Ekonomisë dhe Financave, Besart Kadia u shpreh se e ka pranuar si ofertë.
Ai thotë se qëllimi i tij është të kontribuojë për Shqipërinë.
Në një mesazh për kryedemokratin Lulzim Basha që e prezantoi si një nga figurat e reja në Partinë Demokratike për të sjellë ndryshimin, ai tha: “I uroj suksese Bashës”.
Më herët Kadia ka mbajtur postin e sekretarit të “Sipërmarrjes së Lirë” në PD, një nga digasteret më të rëndësishme.
Por përse e la opozitën 6 muaj para zgjedhjeve?
“Mendoj që opozita kishte disa qartësi deri në 2017, më pas duket se është bërë e paqartë me politikat ekonomike” tha ai për ABC News.
Besart Kadia ka qenë ish-sekretar për sipërmarrjen e lirë në PD dhe këshilltar i Lulzim Bashës.
Çfarë ju shtyu që të pranonit ofertën dhe kur iu bë?
Ideja është e sfidave të forta, tërmeti dhe pandemia, edhe unë si ekonomist që jam me shkollim perëndimor. Cdo kontribut personal për Shqipërinë.
Ofertën kush ua bëri?
Oferta ka qenë me kryeministrin.
Këto ditë keni diskutuar, apo më përpara?
Jo, vetëm nga sfida e covidit dhe nevoja për ta menaxhuar
Takim, telefonatë….
Patjetër, që kryeministri është ai që merr vendimet për kabinetin e vet.
Cfarë përgjigje keni për ata që thonë se kaluat nga krahu opozitar te i shumicës?
Unë jam kthyer në Shqipëri pas studimeve në Angli për të kontribuar për cështjet ekonomike. Mendoj që opozita kishte disa qartësi deri në 2017, më pas duket se është bërë e paqartë me politikat ekonomike. Sfidat janë të menaxhimit të borxhit, rënia ekonomike për shkak të krizës dhe për të dalë sa më të zhvilluar pas kësaj krize.
Cfarë përgjigje keni për ata që mendojnë se 6 muaj para zgjedhjeve kaluat me shumicën, pasi nuk iu fut Basha në listë?
Aspak! Bashës i uroj sukses edhe partisë Demokratike. Nuk është vendimi im personal që vendos fatet e Shqipërisë.
Cfarë përgjigje keni për ata që e shikojnë këtë lëvizje si fillimin e një bashkëqeverisjes mes PS-PD?
Unë i kontribuoj shtetit shqiptar, nuk ka rëndësi nëse është e majta apo e djathta, idetë e mia janë pro tregut dhe biznesit.
Sfida juaj më e madhe?
Ka të bëjë me reformat pro biznes.
