Vazhdon debati në distancë mes kryeministrit Edi Rama dhe gazetarëve Ylli Rakipi e Andi Bushati. Në një postim në “Twitter” kryeministri Edi Rama e ka vazhduar me bejte replikën me ta. Duke iu referuar me epitetin ‘kadrinj’, me vargje të rimuara ai shkruan se i janë turrur me radhë ‘lehaqenie pa din, pa iman, pa nishan’.
“Kadrinjtë më qenkan turrur me radhë, ham e hum, tamam siç janë, lehaqenie pa din, pa iman, pa nishan. Ylli Kadriu e bën pêr të shpëtuar vatanin, shan e shpif bashkë me vëlla Andin që të rrëzojë Shejtanin! U kthye nga rruga, e la dhe ruletën, leh fort parimori se s’harron dot kuletën🤧”, shkruan kryeministri.
