“Tendenca e kërkesave për të kërkuar azil në Gjermani është përgjysmuar.” Kështu është shprehur Kryeministri Rama, gjastë bisedës së tij me Kancelarin e landit të Hessën, Volker Bouffier, në vizitën që zhvilloi ditën e djeshme në Gjermani.
“Për sa i takon azilkërkuesve shqiptarë ka një përgjysmim të kërkesave dhe tendenca e rënies vazhdon. Por ka shumë rëndësi që Gjermania ka ndërmarrë hapa të mirëpritur qoftë për të lehtësuar aksesin në tregun e punës atje të punëkërkuesve të ligjshëm, qoftë për të mbështetur më fort vendet e Ballkanit në rrugën e rritjes ekonomike”, shprehet Rama.
Kryeministri ka takuar po ashtu edhe Kreun e Parlamentit rajonal Norbert Kartmann në kuadër të zhvillimit të marëdhënieve mes dy vendeve.
“Rritja e shkëmbimeve tregtare me Gjermaninë, rritja e investimeve gjermane në Shqipëri, si edhe rritja e bashkëpunimit për arsimin profesional me qëllim rritjen e cilësisë së krahut të punës, që për një sërë zanatesh mund të integrohet ligjërisht në tregun gjerman, kanë qenë fokusi i vizitës”, shprehet Rama në një status në Facebook.
