Franca, Italia, Gjermania dhe Polonia kanë hedhur një hap më tej drejt një bashkëpunimi të ri ushtarak, e cila do të sjellë si rezultat krijimin e raketave me rreze deri në 500 km.
Kjo inicitivë do të mbushë boshllëkun e arsenalit europian të armëve. Marrëveshja midis liderëve u firmos gjatë zhvillimit të Samitit të NATO në Uashington.
Nga ana e tij, Kancelari gjerman, Olaf Scholz nënvizon rëndësinë e vendimit të Shteteve të Bashkuara për të vendosur periodikisht raketat amerikane të lundrimit me rreze të gjatë veprimi në Gjermani duke filluar nga viti 2026
“Kjo ka të bëjë me parandalimin dhe sigurimin e paqes dhe është një vendim i nevojshëm dhe i rëndësishëm në kohën e duhur. Ky vendim është marrë për disa kohë dhe nuk është një surprizë e vërtetë për ata që janë të përfshirë në politikën e sigurisë dhe paqes. Në fund të fundit, ajo përshtatet në mënyrë të përkryer me strategjinë e sigurisë së qeverisë gjermane”.
Sakaq, Rumania, Bullgaria dhe Greqia nënshkruan një marrëveshje për të lejuar lëvizjen e shpejtë ndërkufitare të trupave dhe armëve drejt krahut lindor të NATO-s.
Kjo është bërë e ditur nga Ministria e Mbrojtjes e Rumanisë. Objektivi është të “fuqizohen korridoret e transportit për të përmbushur nevojat e lëvizshmërisë ushtarake duke krijuar linja furnizimi rrugor dhe hekurudhor midis shteteve pjesëmarrëse, duke reduktuar burokracinë në kohë paqeje dhe duke maksimizuar efikasitetin në rast situatash emergjente”.
Të tre shtetet gjithashtu mund të lidhin portet e tyre në Detin Egje dhe Detin e Zi. Ministrat rumunë dhe bullgarë të mbrojtjes nënshkruan gjithashtu një memorandum për krijimin e një qendre komanduese rajonale për operacione speciale që do të planifikojë dhe menaxhojë forcat e aleancës për operacione speciale në rajonin e Detit të Zi.
