Qytetarët e Tiranës, në kuadër të nismës së bashkisë për pastrimin e kryeqytetit, duket se janë angazhuar seriozisht për pastrimin e zonave të tyre të banimit.
Sigurisht që teksa shikon që institucionet e vetë qytetarët angazhohen në mbarëvajtjen e qytetit, në pastrimin e tij e jo vetëm, gjithsecilit i ngjan diçka e duhur, e nevojshme e mjaft e kënaqshme.
E teksa shikon gjithë atmosferën e krijuar, njerëz që angazhohen e janë aktiv në zonat e tyre, njerëz që mbledhin papastërtitë në zonat e tyre, njerëz që tregojnë se i duan zonat e tyre të banimit të pastra, sigurisht që të krijon një ndjenjë qetësie, ama disa pyetje të lindin në kokë.
Për shëmbull, si iu duken qytetarëve nisma të tilla, si u ndjenë ato sot teksa pastronin zonat e tyre të banimit, a duhet të bëhen më të shpeshta aktivitete të tilla në të mirë të komunitetit, a duhet që qytetarët të marrin edhe vete iniciativa për tu bërë protagonistët kryesorë të “lulëzimit” të zonave të tyre të banimit?
Për tiu përgjigjur këtyre e të tjerave pyetjeve, janë intervistuar banorë lagjesh në Tiranë e vullnetarë në ditën e sotme. Teksa pyet vullnetarë të pastrimit të zonës në njësinë 8, të veshur me bluzat e tyre që i dallon nga pjesa tjetër e njerëzve, shprehen se aksioni i ditës së sotme shkoi shumë mirë e e gjithë njësia iu bashkua nismës për të dhënënjë mesazh sensibilizues.
Është Ilda, vullnetare në pastrimin e zonës së saj të banimit e cila shton: “Ne u ndjeme mire, në radhë të parë si qytetarë dhe banorë të lagjes, e beme per vete dhe per njerezit qe do vijne pas nesh”.
Sigurisht që kur dëgjon përgjigje të tilla, të vjen një frymë pozitive për iniciativa vullnetare të ngjashme në të ardhmen. Vullnetarët shprehen se pastrimi u organizua nga admisistratorë të zonës e me kontributin e madh të banorëve të lagjes.
Është Shpresa, një grua në moshë e cila thekson se kohë më përpara, pastrimi i zonës së banimit ka qënë një traditë e përmuajshme për banorët. Të gjithë angazhoheshin me mjetet që kishin për pastrimin e oborrit përpara pallatit, për mbledhje e papastërtive, e për kujdesin maksimal për ambjentin përreth.Një gjë e tillë duhet të ndodhë dhe sot, pastrimi i zonës së banimit duhet të kthehet në një traditë.
Teksa pyet Inën, vullnetare në ditën e sotme, shprehet që të rinjtë duhet të kenë rolin kryesor në këto aktivitete, janë ato që japin ide të reja, janë ato iu bashkohen nismave të ndryshme e iniciativa të tilla duhet të kthehen në tradita të përjavshme. Sipas saj e vullnetarëve të tjerë të njësisë 8, kjo do të ndodhë në njësinë 8, pastrimi i zonës do të jetë një traditë e përjavshme.
Ndërkohë që nga vëzhgimet e bëra sot, duket qartë që në aksion ishin të përfshirë grupmosha të ndryshme, tregues ky që jep qartë faktin se të gjithë e duan një ambjent të pastër e sa të gatshëm janë të bëhen pjesë e iniciativave të tilla.
“Ndonëse Tirana nuk mund të patrohet në një ditë të vetme, ndonëse duhet punë me njerëzit që ata të bëhen pjesë e iniciativave të tilla, ndonëse iniciativave të tilla duhet të jenë në proçes, ishte mjaft bukur, shpresdhënëse e relaksuese, teksa shikon njerëz që me vullnetin më të madh pastrojnë zonat e tyre të banimit e kanë dëshirën ta kthejnë këtë në një traditë të përjavshme”-thekson Ardiani, banor i njësisë numër 8.
