Një Dhomë e re Ekonomike Kombëtare pritet të ndryshojë mënyrën e përfaqësimit të biznesit në Shqipëri.
Një draft i Ministrisë së Ekonomisë dhe Inovacionit i hedhur për konsultim parashikon që subjektet aktive në Regjistrin Tregtar të bëhen automatikisht anëtare.
Për subjektet që nuk janë objekt i tatimit mbi fitimin, tarifa parashikohet 1 mijë lekë në vit. Mos shlyerja e detyrimit parashikohet si kundërvajtje administrative.
Struktura e re synon gjithashtu t’i japë biznesit një rol më të madh në konsultimin dhe hartimin e politikave ekonomike.
“Projektligji parashikon një periudhë tranzitore njëvjeçare për kalimin nga sistemi ekzistues në strukturën e re. Gjatë kësaj faze parashikohet funksionimi i një Komisioni të Përkohshëm Teknik dhe organizimi i zgjedhjeve të para të organeve drejtuese. Kostoja e tranzicionit vlerësohet në rreth 15.4 milionë lekë. Pas kësaj periudhe, Dhoma pritet të financohet nga tarifat e regjistrimit, shërbimeve dhe burime të tjera të ligjshme”, thuhet në njoftim.
Projektligji synon një sistem më të unifikuar dhe më transparent të përfaqësimit, por për bizneset pika më e ndjeshme mbetet tarifa dhe anëtarësimi me detyrim.
