Presidenti i Serbisë, Aleksandër Vuçiç, do të prezantojë sonte emrin e kryeministrit të ri të vendit.
Këtë e raportojnë mediat në Beograd, por duke mos bërë të ditur se cili mund të jetë drejtuesi i ardhshëm i qeverisë, apo ministrat që largohen apo qëndrojnë.
“Në bazë të kompetencave kushtetuese, Presidenti i Republikës do t’i propozojë Kuvendit Kombëtar një kandidat për Kryeministër, pasi të dëgjojë mendimet e përfaqësuesve të listave të përzgjedhura zgjedhore”, njoftoi presidenca serbe.
Afati për zgjedhjen e qeverisë së re në skadon më 18 prill në mesnatë. Pas konsultimeve me partitë parlamentare që u mbajtën të mërkurën dhe të enjten, kryetari i Partisë Progresive Serbe, Millosh Vuçeviç, tha se partia është pro formimit të qeverisë së re dhe shtoi se alternativat janë reduktuar në dy persona.
Presidenti Vuçiç njoftoi të enjten se përfaqësuesit e SNS-së i kërkuan mendimin e tij dhe se ata ende po “vendosnin” nëse do të shkonin me kandidatin e partisë për kryeministër apo me një kandidat jopartiak.
Dorëheqja e Vuçeviç erdhi pas protestave më të mëdha të studentëve të zhvilluara në historinë e Serbisë.
