Kryeministri Edi Rama e ka nisur sot nga Tirana fushatën e llogaridhënies publike. Duke paraqitur para qytetarëve punën e bërë deri më tani, përfaqësues të institucioneve të ndryshme në vend u ndalën edhe tek projektet që pritet të realizohen.
“Do flasim direkt me qytetarët e të gjitha moshave, do të dëgjojmë prej tyre se cfarë mendojnë ata për punën tonë. Proces që e nisim sot nga Tirana, ku pa asnjë diskutim jemi të vetëdijshëm për sa shumë ka ende për të bërë, por vetëm ata që nuk duan të shohin mund të mohojnë se sa shumë është bërë. Punën që parashikojmë në vijim për infrastrukturën rrugore, arsimore, shëndetësore. Do të shpalosim programin kombëtar të punësimit jo si strategji por si program i detajuar ku do të shpjegojmë sipas sektorëve të mundësive të reja për punësim. Jemi të vetëdijshëm se kemi shumë punë për të bërë. Ata që nuk duan të shohin, mohojnë atë që është bërë. Shteti nuk është punëdhënës, por punë krijues. Të luftojmë mundësinë e punës në shtet, privati ofron mijëra vende të lira”, deklaroi Rama
Kryeministri foli edhe për çeljen e negociatave. Shefi i qeverisë, tha se pavarësisht komenteve që ngrenë pikëpyetje, rekomandimi pozitiv erdhi falë reformave të qeverisë.
“Çelja e negociatave, shumëkush mund të bëjë komente që ngrejnë pikëpyetje, apo të thonë se kjo ishte një gjë e lehtë. Ishte shumë e vështirë, kjo u realizua falë reformave. KE nuk bën dhurata, vlerëson vetëm faktet dhe shifrat e progresit në çdo aspekt dhe bëhet fjalë për vlerësime objektive. Janë angazhuar analistë, jo si ata të Shqipërisë, por analistë prej vërteti”, tha Rama
Javanews.al/a.ç
