Në mbledhjen e kësaj të mërkure, qeveria ka vendosur që të lëvrojë një fond prej rreth 48 mln lekësh të reja për shpronësimin e pronarëve të tokave apo shtëpive që preken nga ndërtimi i Unazës së Madhe në kryeqytet.
“Pronarët e pasurive të paluajtshme, që shpronësohen, të kompensohen në vlerë të plotë, sipas masës së kompensimit përkatës që paraqitet në tabelën bashkëlidhur këtij vendimi, për pasuritë “truall” dhe “objekt”, me vlerë të përgjithshme shpronësimi prej 48 352 015 (dyzet e tetë milionë e treqind e pesëdhjetë e dy mijë e pesëmbëdhjetë) lekësh, nga të cilat:
– “truall”, me sipërfaqe 949 m2, me vlerë 17 071 298 (shtatëmbëdhjetë milionë e shtatëdhjetë e një mijë e dyqind e nëntëdhjetë e tetë) lekë;
– “objekte”, me vlerë 31 280 717 (tridhjetë e një milionë e dyqind e tetëdhjetë mijë e shtatëqind e shtatëmbëdhjetë) lekë.”- shkruhet në vendim.
Disa nga vendimet kryesore te qeverise ne mbledhjen e te merkures jane:
- – Miratimi i programit të përgjithshëm, analitik, të projektakteve, që do të paraqiten për shqyrtim në Këshillin e Ministrave gjatë vitit 2016.
– Miratimin, në parim, të dokumentit ndryshues të marrëveshjes së financimit, ndërmjet Republikës së Shqipërisë dhe Shoqatës Ndërkombëtare për Zhvillim (IDA), për projektin “Siguria e digave”.
