Në mesin e tri opsioneve që i ka dhënë për fushën e auditimit të partive politike, Qeveria e Kosovës preferon që ato të përzgjedhin vetë auditorët që do t’i kontrollojnë financat e tyre.
Kjo është bërë e ditur në draft koncept-dokumentin për fushën e financimit të subjekteve politike, që të mërkurën e kësaj jave është dërguar nga Kryeministria për diskutim publik, shkruan Koha Ditore.
Mirëpo me këtë draft, si dhe me vetë propozimin që partitë politike t’i përzgjedhin vetë auditorët, nuk janë pajtuar përfaqësuesit e shoqërisë civile. Sipas tyre, ky propozim nuk është diskutuar në grupin punues për hartim të këtij koncept-dokumenti. (b.an)
