1,2 miliardë lekë do të japë qeveria shqiptare për rimbursimin e ilaçeve që përdoren për kurimin e pacientëve me koronavirus, duke filluar nga 1 janari i vitit të ardhshëm.
Duke parë situatën e Covid në vend, paketa e rimbursimit të ilaçeve është një çështje jetike, komentoi deputeti i Partisë Socialiste Anastas Angjeli në Komisionin e Ekonomisë.
“Duke parë vijimin e pandemisë dhe përshpejtimin e saj, ne morëm në konsideratë një çështje jetike, që është futja e paketës së ilaçeve për kurimin nga COVID-19, në paketën e ilaçeve me rimbursim, nga përllogaritjet e bëra është e nevojshme shtimi i buxhetit me 1.2 miliardë lekë, për të rimbursuar ilaçet për çdo person që preket dhe kurohet me ilaçet.
Po tek ministria e Shëndetësisë, një çështje tjetër që ka të bëjë me njerëzit në nevojë ka të bëjë me shtimin me 1 miliardë lekë pagesën e papunësisë”.
/a.r
