Familjarët e 4 viktimave të 21 Janarit do të dëmshpërblehen nga qeveria. Vetëm 3 ditë larg 6 vjetorit të asaj dite qeveria ka vendosur të lëshojë një fond për familjarët e Aleks Nikës, Hekuran Dedës Faik Myrtajt dhe Ziver Veizit.
Familjarët vetë i kërkuar qeverisë që dëmshpërblimi të ishte 100 mln lekë për familje, me një total prej 400 mln lekësh.
Qëllimi i këtij projektvendimi është shlyerja e detyrimeve që rrjedhin nga zbatimi i vendimeve gjyqësore të Gjykatës Administrative të Shkallës së Parë për viktimat e ngjarjes së 21 janarit 2011./java/a.k
Të gjitha vendimet e sotme
PROJEKTVENDIMET:
1. Për mbulimin e shpenzimeve financiare të personelit të shërbimit të jashtëm dhe familjarëve që i shoqërojnë ata gjatë kohës që dërgohen me shërbim në misionet diplomatike dhe postet konsullore të Republikës së Shqipërisë jashtë vendit.
MINISTRI I PUNËVE TË JASHTME
2. Për sigurimin shëndetësor të veçantë të punonjësve të disa strukturave të Policisë së Shtetit.
MINISTRI I PUNËVE TË BRENDSHME
3. Për një shtesë fondi në buxhetin e vitit 2017, miratuar për Ministrinë e Punëve të Brendshme, nga fondi rezervë i buxhetit të shtetit, për shlyerjen e detyrimeve që rrjedhin nga zbatimi i vendimeve gjyqësore për viktimat e ngjarjes së 21 janarit 2011.
MINISTRI I PUNËVE TË BRENDSHME
4. Për miratimin, në parim, të marrëveshjes, ndërmjet qeverisë së Hungarisë dhe Shtabit të Komandës Supreme Aleate për Transformimin si dhe Shtabit Suprem të Fuqive Aleate në Evropë, në lidhje me dhënien e mbështetjes së shtetit pritës për kryerjen e operacioneve/stërvitjeve e aktiviteteve ushtarake të ngjashme të NATO-s dhe notës së pranimit për t’u bërë pjesë e saj.
MINISTRI I MBROJTJES
5. Për miratimin, në parim, të memorandumit të mirëkuptimit, ndërmjet qeverisë së Republikës së Kroacisë dhe Shtabit të Komandës Supreme Aleate për Transformimin si dhe Shtabit Suprem të Fuqive Aleate në Evropë, në lidhje me dhënien e mbështetjes së shtetit pritës për kryerjen e aktiviteteve ushtarake të NATO-s dhe notës së pranimit për t’u bërë pjesë e tij.
