Qeveria ka planifikuar një fond investimi prej 20 milionë Euro për 2018 në sektorin bujqësor. Nga këto 8 milionë vetëm për sera, ndërkohë që një shumë tjetër prej 93 milionë Euro është vendosur në dispozicion për këtë sektor nga fondet e BE.
Kryeminsitri Rama ishte në zonën e Divjakës dhe në një takim me fermerët e zonës flet për projektin për të subvencionuar ata në masen 50% për çdo fidan të mbjellë.
“Duhet të ndiqet një linjë strategjike planifikimi dhe bashkëpunimi. Prandaj ne duam që ju të bashkoheni, jo secili më vete tek ajo copa e vet. Do heqim Tvsh për shoqëritë e bashkëpunimit bujqësor. Pra, duke u bërë bashkë ju keni mundësi që së pari të racionalizoni të gjithë mjetet e prodhimit dhe financimit”, u shpreh kryeministri Rama në takimin me fermerët.
Skemat mbështetëse për bujqësinë janë hartuar mbi bazën e një analize të thelluar për gjendjen e sektorit dhe konsultimeve të gjera me bizneset, universitetin bujqësor, bashkitë dhe ekspertët. Zëvendësministri i Bujqësisë dhe Zhvillimit Rural Dhimo Kote tha se qeveria shqiptare ka planifikuar këtë vit 20 milionë euro, ku vetëm për serat janë 8 milionë dhe nga fondet e BE edhe 93 milionë euro të tjerë.
Këtë vit është proceduar parimi – aplikim me zero dokumente, ku aplikimi për përfitimin e mbështetjes bëhet online, në portalin e-albania. Kjo nisëm synon të zvogëlojë kostot dhe kohës e aplikuesve, si dhe të rrisë transparencën. Përfitues të skemave mbështetëse mund të jetë çdo fermer i pajisur me NIPT, grup fermerësh, personat fizikë, personat juridikë, SHBB-të, OJF-të e OMP-të, dhe kushdo që përmbush kriteret e përgjithshme.
a.ç
