Të shtëna me armë zjarri janë regjistruar mbrëmjen e djeshme rreth orës 19:30 në fshatin Qesarat të Memaliajt. Policia njofton se autori i dyshuar i ngjarjes, 41-vjeçari me iniciale F.L., banues në Memaliaj është vënë në pranga.
Nga hetimet paraprake, dyshohet se 41-vjeçari për motive të dobëta ka qëlluar me pushkë në ajër me qëllim kanosjen e 54-vjeçarit me iniciale A.Z. dhe 34-vjeçarit me iniciale E.Z., të afërm të njëri-tjetrit, të dy banues në fshatin Anë Vjosë. Më pas, autori i dyshuar i rastit ka fshehur armën e zjarrit në një zonë të pyllëzuar në fshatin Qesarat.
Arma e zjarrit u gjet nga shërbimet e Policisë dhe u sekuestrua në cilësinë e provës materiale, së bashku me disa fishekë. Materialet procedurale i kaluan Prokurorisë, për veprime të mëtejshme.
NJOFTIMI I POLICISË:
Memaliaj | Mbrëmjen e djeshme, qëlloi me armë zjarri në ajër, për të kanosur 2 shtetas, kapet menjëherë pas ngjarjes dhe vihet në pranga 41-vjeçari.
Gjendet arma e zjarrit (pushkë), të cilën 41-vjeçari e fshehu në një zonë të pyllëzuar, dhe sekuestrohet bashkë me municion luftarak.
Si rezultat i veprimeve të shpejta operacionale, shërbimet e Policisë kapën dhe vunë në pranga autorin e dyshuar të këtij rasti, shtetasin F. L., 41 vjeç, banues në Memaliaj.
Nga hetimet e deritanishme dyshohet se ky shtetas, për motive të dobëta, ka qëlluar me armë zjarri (pushkë), në ajër, me qëllim kanosjen e shtetasve A. Z., 54 vjeç dhe E. Z., 34 vjeç, të afërm të njëri-tjetrit, të dy banues më fshatin Anë Vjosë. Më pas, ai ka fshehur armën e zjarrit, në një zonë të pyllëzuar, në fshatin Qesarat.
Arma e zjarrit u gjet nga shërbimet e Policisë dhe u sekuestrua në cilësinë e provës materiale, së bashku me disa fishekë.
Materialet procedurale i kaluan Prokurorisë, për veprime të mëtejshme.
/a.r
