Një shqiptar në Athinë është vënë në pranga nga forcat e policisë për tentativë vrasje.
Bëhet fjalë për një ngjarje të ndodhur më 14 Gusht në kryeqytetin grek, kur shpërndarësi i një lokali shkoi për të dorëzuar një porosi kafeje.
Për arsye banale, 42-vjeçari shqiptar u konfliktua me shpërndarësin e porosisë. Pas debateve, ky i fundit u nis drejt dyqanit.
Por shqiptari nuk e la me kaq, dhe shkoi pas tij së bashku me një person tjetër. Edhe në lokal u konfliktua me shpërndarësin e porosisë, duke ushtruar dhunë fizike ndaj tij dhe më pas qëlloi me armë ndaj tij.
Por fatmirësisht, plumbi preku një makinë të parkuar. Pas ngjarjes, autorët u larguan me makinë nga vendngjarja.
Rreth dy javë pas këtij incidenti, policia greke mundi të arrestonte 42-vjeçarin shqiptar të cilin e akuzon për vrasje të mbetur në tentativë.
/a.r
