Një 60-vjeçar është qëlluar me armë zjarri në anë të rrugës në autostradën Laç – Lezhë. Ngjarja ka ndodhur rreth mesnatës në orën 00:25.
Sipas policisë, i plagosur ka mbetur Besim Zeneli 60 vjeç nga fshati Shullaz i Kurbinit.
Ky i fundit ka qenë në dyqanin e tij të fruta-perimeve në anë të rrugës kur u qëllua me armë zjarri.
Besim Zeneli ka marrë plagë në trup dhe është dërguar në Spitalin e Traumës në Tiranë për të marrë ndihmë mjekësore.
Policia ka shoqëruar 3 persona, mes tyre dhe autorin e dyshuar të ngjarjes dhe po kryejnë veprimet hetimore për dokumentimin e plotë ligjor të ngjarjes dhe arrestimin e autorëve të dyshuar.
Grupi hetimor vijon veprimet në vendin e ngjarjes, duke administruar çdo provë dhe vlerësuar çdo informacion, për zbardhjen e plotë të rrethanave të ngjarjes.
/a.r
