Kuvendi u mblodh sërish pasdite ku kryeministri Edi Rama u është drejtuar deputetëve me përgjigjet e tij për 19 pyetjet e ngritura nga LSI rreth programit qeverisës. Nuk kanë munguar as ironitë e kryeministrit për disa pyetje të LSI. Në një prej tyre madje ai ka thënë se është pyetje mbi nivelin e tij që duhet t’i përgjigjet Akademia e Shkencave, edhe kjo e vendosur në qendër të vëmendjes së fundi.
Teksa lexoi pyetjen, “Çfarë mund të ketë më të rëndësishme nga uji për qytetarët?”, kreu i qeverisë e ironizoi atë, ndërsa shtoi se ishte diçka mbi nivelin e tij.
“Kjo është një pyetje më e lartë se niveli im, por duhet të ndërhynte siç duket Akademia e Shkencave para se të reformohej që të shpjegonte këtë pyetje të hartuar në emocion e sipër”, vijoi Rama./a.m.
