Presidenti rus, Vladimir Putin autorizoi zyrtarisht edhe shitjen nga ana e operatorëve turistikë rusë të udhëtimeve drejt Turqisë, të ndaluara që prej nëntorit kur një bombardues rus ishte rrëzuar nga dy F-16 turq në kufirin sirian.
“Putini ka firmosur një dekret që përcakton se ndalimi i shitjes nga ana e operatorëve turistikë rusë ndaj qytetarëve rusë të programeve turistike që parashikojnë një vizitë në territorin turk është bërë i pavlefshëm”, njoftoi Kremlini në një komunikatë.
“Presidenti rus ka ngarkuar nga ana tjetër qeverinë të marrë masa që synojnë heqjen e ndalimit të fluturimeve çarter mes Rusisë dhe Turqisë”, thuhet në komunikatë.
Ditë më parë presidenti i Turqisë, Rexxep Tayp Erdgon i kërkoi falje homologut të tij rus, Vladimir Putin për incidentin e ndodhur në nëntor të vitit të kaluar, kur forcat ushtarake turke brenda territorit të vet kishin rrëzuar aeroplanin rus, që kishte çuar në vdekjen e njërit nga dy pilotët, referon Koha. (b.an)
