Shpërbërja e Bashkimit të Republikave Socialiste Sovjetike (BRSS) mund të mënjanohej, deklaroi dje presidenti rus, Vladimir Putin gjatë takimit në Kremlin me kryetarët e partive politike të pranishme në Dumën e re, ku partia e shefit të Kremlinit ka tre në katër vende.
“Ju të gjithë e dini mendimin tim për shpërbërjen e Bashkimit Sovjetik. Nuk ishte absolutisht e nevojshme”, tha Putin.
”Mund të bëheshin reforma, përfshirë ato të natyrës demografike, por pa shpërbërje”, theksoi Putin, i cituar nga agjencia ruse e lajmeve, Interfax. Putini akuzoi Partinë Komuniste të Bashkimit Sovjetik për keqqeverisje të vendit.
