Presidenti rus, Vladimir Putin, mund të mos marrë pjesë në samitin e G20-ës, në mesin e frikës se ai mund të goditet me shuplakë në fytyrë. Ai, raportohet se do të donte të merrte pjesë në samit virtualisht, pas një paralajmërimi nga spiunët e tij se ai mund poshtërohet publikisht në lidhje me luftën në Ukrainë.
Një raport pretendon se atij i është thënë se një pjesëmarrës në G20 planifikon ta godasë Putinin me shuplakë në një takim personal në samitin që do të mbahet në Indonezi.
Një lider, emri i të cilit nuk bëhet publik, thuhet se ka ndër mend ta denoncojë haptazi e publikisht putinin si kriminel lufte.
Kryeministri britanik, Rishi Sunak, ka thënë se britania e madhe dhe aleatët e saj duhet të përballen me Putinin nëse ai do të marrë pjesë në samitin e balit, javën e ardhshme. Lideri indonezian, Joko Vidodo, i ka rezistuar ndërkohë presionit nga Kievi dhe Perëndimi që të mos e ftojë putinin në samit.
Sidoqoftë, ai ka thënë se ka përshtypjen se ai nuk do të marrë pjesë por mund të kërkojë ti bashkohet samitit në mënyrë virtuale. Një postim në rrjetet sociale, nga një ish gjeneral rus në azil, shkruante: Putin nuk është gati të rrezikojë që të poshtërohet duke marrë një shuplakë në fytyrë, publikisht”.
Ai tha se Putin, 70 vjec, ishte i vetëdijshëm për një rrezik të shtuar atentati po ashtu. Presidenti i Ukrainës, Volodimir Zelenski tha se ai nuk do të marrë pjesë në samit nëse Putin do të jetë atje.
/s.f
