Mizoritë barbare në Bucha duket se ishin pjesë e një strategjie të qëllimshme të Kremlinit, e kryer pjesërisht nga grupi i frikshëm i mercenarëve Wagner.
Shërbimi i inteligjencës së jashtme të Gjermanisë, BND, ka dëgjuar disa audio-përgjime nga forcat e Putinit që diskutojnë vrasjen brutale të civilëve në qytetin e tmerreve jashtë Kievit, i cili u rimor nga Ukraina gjatë fundjavës.
Transmetimet kanë zbuluar rrethanat e vrasjes së civilëve në Bucha. Një ushtar u përgjua duke folur se si ai dhe kolegët e tij qëlluan për vdekje dikë me biçikletë, ndërsa një tjetër dëgjohet duke thënë: ‘Pyeti ushtarët në fillim, pastaj gjuaji ata.’
Mesazhet audio i janë treguar parlamentit gjerman nga BND për të hedhur poshtë pretendimet e pabaza të Kremlinit se trupat e të vdekurve ishin inskenuar nga Ukraina pasi Rusia u tërhoq nga qyteti në një ‘falsifikim monstruoz’, raportoi e përditshmja gjermane “Der Spiegel”.
Regjistrimet e përgjimeve tregojnë gjithashtu se Grupi Wagner ishte i pranishëm në qytet dhe luajti ‘një rol kyç’ në masakër, e po ashtu se ka të ngjarë të ketë skena të ngjashme të masakrës në zona të tjera në vend. Kompania ushtarake në hije, e cila ka qenë e lidhur me një varg vrasjesh, përdhunimesh dhe krimesh lufte në mbarë botën, njihet si ushtria private e Putinit, e cila kryen punën e tij të pistë.
Regjistrimet e BND tregojnë se mizoritë nuk ishin aksidentale. Mesazhet tregojnë se trupat flisnin rregullisht për krimet e mundshme të luftës sikur të flisnin për jetën e tyre të përditshme.
BND u tha udhëheqësve gjermanë se kjo tregon se si vrasjet u konsideruan “normale” ishin pjesë e një strategjie të qëllimshme që synon të mbjellë frikë dhe terror në popullatën civile.
Regjistrime të mëtejshme po analizohen nga shefat e inteligjencës ‘me shqetësim të madh’, të cilat ende nuk janë identifikuar në një vend të caktuar në Ukrainë. Por ato tregojnë skena krimi të ngjashme me Bucha në qytete të tjera anembanë vendit, veçanërisht rreth Mariupolit, i cili mbetet nën bombardime të rënda me rreth 170,000 civilë ende të bllokuar.
/b.h
