Bregdeti i Lezhës, me plazhet e Ranës së Hedhun, Shëngjinit, Kunes dhe Tales, vijon të jetë ndër destinacionet më të preferuara nga pushuesit edhe gjatë këtij sezoni turistik. Mbi gjysma e hapësirave janë plazhe publike, ku pushuesit mund të qëndrojnë pa pagesë. Ndërkohë, edhe në zonat ku qëndrimi është me pagesë tarifat janë: 300 lekë në Tale, 400 lekë në Kune dhe 500 lekë në Shëngjin.
Risi e këtij sezoni veror është vendosja në hyrje të çdo plazhi e tabelave me barkod, përmes të cilave pushuesit mund të marrin informacion të detajuar mbi administrimin e plazhit, çmimet e shërbimeve dhe të raportojnë çdo problematikë.
“Kemi vendosur në të gjitha pikat hyrëse të plazheve kemi vendosur disa tabela me barkode në mënyrë që pushuesit të kuptojnë dhe të skanojnë barkodin dhe të kuptojnë në kohë reale ku janë plazhet pa pagesë, ku janë plazhet me pagesë me çmimet që menaxhon bashkia dhe pjesa tjetër plazhet që janë të hotelerive i kemi heq nga harta dhe kemi lënë vetëm plazhet tona që menaxhon bashkia”, deklaroi Besmir Frroku, Drejtor i “Lezha Invest”.
Masat e mara synojnw që bregdeti i Lezhës të ofrojë pushime me çmime të arsyeshme, standarde të larta shërbimi dhe transparencë për pushuesit, duke garantuar një eksperiencë sa më cilësore gjatë qëndrimit në vijën bregdetare.
