Në emisionin politik “3D” të Alban Dudushit, i transmetuar në Radio Televizionin Shqiptar, u diskutua pezullimi nga GJKKO i zëvendëskryeministres Belinda Balluku, reagimet e kryeministrit Edi Rama dhe dërgimi i vendimit në Gjykatën Kushtetuese. Tema e debatit “Balluku – Përplasja e pushteteve” solli në panel Enkelejd Alibeajn, Arbër Hoxhajn, Neritan Alibalin dhe Zylyftar Bregun.
Analisti Neritan Alibali në analizën e tij theksoi se duhet bërë dallimi mes pezullimit nga detyra dhe ndjekjes penale.
“Kushdo për të cilin Prokuroria e Posaçme ka dyshim të arsyeshëm për korrupsion, krim të organizuar apo abuzime të tjera, më pas shpallet nga gjykata i fajshëm ose i pafajshëm. Në rastin konkret shqetësimi im nuk është thjesht çështja në fjalë, por nëse në aspektin kushtetues a mundet që një nga tre pushtetet, sikurse është ai i drejtësisë, të sfidojë dy pushtetet e tjera, sikurse janë ai legjislativ dhe ekzekutiv.”
Alibali nënvizoi se edhe pse ministri nuk është i zgjedhur drejtpërdrejt nga populli, pozita e tij lidhet ngushtë me ekzekutivin dhe legjislativin.
Për këtë arsye, sipas tij, vendimi i GJKKO për pezullimin e një ministri ngre dilema kushtetuese mbi balancën e pushteteve dhe kërkon interpretim të qartë nga Gjykata Kushtetuese.
Ky Dudushi, pasi ben analistin te G.Duma, vazhdon dhe ben “krye analistin” ne emisionin e tij ne TVSH e Eni Vasilit; e bukura eshte se TVSH nga nje TV ordinere dhe pa nivel po kthehet ne amalgame te analisteve medioker te huazuar nga TV e tjera private. Shembull tjeter i kesaj situate eshte nje fare A. Ajlishani , krejtesisht ordinere dhe e paafte, por qe ne stilin e E. Vasilit, per turpin e te ftuarve qe pranojne te marrin pjese ne emisionin e saj, harxhon kot kohen dhe parate e buxhetit te shtetit.
Nuke ka si te ruhet,e te respektohet,ballanca kushtetuese me hajdutet,a e kupton se cfare po flet, keshtu.Ti thu te mbroje hajdtet,qe vjedhin milionat e taksa paguesve,sa akuza ka belinda,per vjedhjen e milionave.Ajo duhet te spjegoje,kushe e beri te vidhte milionat,duke i thene,ke mbrojtjen nga une,edvini mjeshtri i pislliqeve.