Deklarata e fortë e presidentit Hashim Thaçi një ditë më parë se kërcënimeve të Serbisë do u përgjigjen si në vitin 1999, pra me pushkë, ka shkaktuar jehonë tek mediat serbe.
E përditshmja serbe, “Kurir”, në faqen e parë ka publikuar artikullin me titull: “Hashim Thaçi kujton luftën”.
“Presidenti i Kosovës kërcënon se do të godasë Serbinë me pushkë. Kjo është një tjetër provë se shqiptarët nuk duan dialog, por luftë”, thuhet në shkrimin e Kurir.
Me tituj me të njëjtën përmbajtje u hapën edhe gazetat e tjera të vendit, ndërkohë që në versionet online të tyre, deklarata e Presidentit të Kosovës qarkulloi që pasditen e së hënës.
a.ç
