Policia e Tiranës ka nisur një procedim penal kundër Sokol Nanos, djali i ish-kryeministrit Fatos Nano.
Ai është administrator i një lokali në bllok dhe pikërisht me këtë ka lidhje edhe procedimi.
38-vjeçarit Nano i janë gjetur dy punonjës të padeklaruar në organet tatimore, si dhe shpërbim pa ofruar kuponin tatimor.
Pas kontrollit të ushtruar nga tatimet dhe policia, kjo e fundit ka vendosur që dosjen ndaj Sokol Nanos ta dërgojë në prokurori, duke e akuzuar për mossigurimin e punonjësve të lokalit.
Njoftimi zyrtar i policisë
Më datë 13.12.2016, u referuan materialet në Prokurorinë e Rrethit Gjyqësor Tiranë, për shtetasin Sokol Fatos Nano, i datëlindjes 27.03.1978, banues në Tiranë, me arsim të lartë, administrator i subjektit “Lolli Pop“, Shpk, sepse gjatë kontrollit të ushtruar në subjekin e tij, i‘u gjetën dy punonjës të padeklaruar në organin tatimor dhe nuk ishin prerë kupona tatimor. Nenet 180 & 170/a të K. P.
d.i.
