12 qytetarë me origjinë nga Bangladeshi janë zhdukur në qytetin e Beratit.
Ata kishin ardhur për të punuar në një fasoneri, por ditën e djeshme janë larguar pa lënë asnjë gjurmë.
Nuk kanë ardhur në vendin e punës, madje as në banesat ku jetonin nuk janë gjendur, sipas informacioneve.
Policia sqaroi se bëhet fjalë për qytetarë të moshave nga 19 deri në 40 vjeç. Denoncimi për zhdukjen e tyre ka ardhur nga pronari i fasonerisë.
Policia dyshon se ata janë larguar nga Shqipëria, në tentativë për të emigruar drejt vendeve të BE-së./a.m.
