“Punoni me 4 turne po të doni”/ Rama në Lezhë: Në 26 nëntor hapni derën ose futeni në listën…

Kryeministri Edi Rama shoqëruar nga Ministri i Shtetit për Rindërtimit Arben Ahmetaj ka vijuar inspektimet në Lezhë, në shkollën “Llesh Nik Daka”.

143 shkolla të reja do të ndërtohen në zonë e prekur nga tërmeti. Kreu i qeverisë nuk nguroi që të jepte direktivat e tij inxhinierëve në terren, duke iu kujtuar dhe afatin se shkolla duhet të jetë gati në 26 nëntor.

“Besoj brenda një muaji të mbarojë konstruksioni, kurse si objekt besoj në fund të dhjetorit”, shprehet një nga inxhinierët.

Rama: Në fund të dhjetorit “Lezha konstruksion” futen në listë të zezë. Në 26 nëntor do të hapni derën. Fiksoje këtë që ta dish. Punoni me katër turne po të doni.

Statusi në “Facebook”:

RINDËRTOJMË  BASHKË

LEZHË – Në shkollën “Llesh Nik Daka”, sot kantier ndërtimi, më 26 nëntor gati për të pritur 535 nxënës

Ndryshe nga më parë, shkolla e mesme e bashkuar “Llesh Nik Daka” do të ketë ambiente për të gjitha funksionet e një shkolle dhe qendre komunitare, laboratorë, kënde sportive, mjedise shërbimesh, infrastrukturë moderne me e sigurtë dhe me kushte optimale

 143 shkolla të reja në zonën e prekur nga tërmeti do të jenë një model shembullor i ambicjes sonë për Shqipërinë