Një 23-vjeçar, punonjës i Operatorit të Shpërndarjes së Energjisë Elektrike, humbi jetën pasi gjatë punës në fshatin Grabian të Vlorës, ra nga lartësia ndërsa ishte duke punuar.
Sipas burimeve zyrtare nga Policia e Vlorës, rreth orës 12:30 mbërriti në spitalin e Vlorës i pajetë 23-vjeçari me inicialet Sh.B. me banim në fshatin Grabian.
Pas hetimeve paraprake të Policisë ka rezultuar se punonjësi i OSHEE-së ka qenë duke kryer punime me kabllo elektrike në fshatin Grabian.
Dyshohet se Sh.B., ka rënë nga një mur në punime e sipër me kabllot elektrike dhe për shkak të dëmtimeve të rënda është shoqëruar menjëherë drejt spitalit rajonal për ndihmë mjekësore por ka mbërritur i pajetë, shkruan express. Grupi hetimor ndodhet në vendin e ngjarjes dhe po punon për sqarimin e rrethanave. /a.k
