Kreu i grupit parlamentar të PS, Taulant Balla thotë se vezët që hodhi sot në Kuvend deputeti i PD Endri Hasa në drejtim të kryeministrit Edi Rama ishin fshehur nga Lulzim Basha brenda xhaketës.
Përmes një postimi në Facebook të cilin e shoqëron edhe me video, Balla shprehet se është e turpshme se si një kryetar opozite degradon deri në pikën që të fshehë nën puplat e shtrenjta të xhupit të tij dy vezë.
“Artist!
Po ti qenke edhe regjizor, edhe skenarist.
U deshën 6 muaj që “pula” Lulzim të prodhonte 2 vezë.
E turpshme si një kryetar opozite degradon deri në pikën që të fshehë nën puplat e shtrenjta të xhupit të tij ✌️🥚.
Shikoni videon sesi Artisti Lulzim bën qesharak rikthimin e opozitës në Kuvend.
Është Lulzim Basha që “prodhon” vezët😃 dhe ia jep deputetit pa emër.”- shkruan Balla në facebook.
/a.rada
