Duke nisur nga 1 janari 2020, një pjesë e shërbimeve publike do të bëhen online, ndërsa deri në fund të vitit 2020 pritet eleminimi i plotë i burokracive në sportele.
Procesi i dhënies së shërimeve publike përmes platformës qeveritare e-albania parashikohet të bë bëhet gradualisht, në periudha të caktuara përgjatë vitit.
Në Fletoren Zyrtare është publikuar lista e 75 shërbimeve që Ministria e Shëndetësisë dhe Mbrojtjes Sociale do të ofrojë vetëm elektronikisht përgjatë vitit të ardhshëm.
Të gjitha dokumentet administrative që shërbejnë si dokumentacion shoqërues për marrjen e shërbimeve elektronike në portalin e-Albania, duke nisur nga data 1.1.2020 do të ofrohen dhe shkëmbehen vetëm elektronikisht, përmes Sistemit të Qarkullimit të Dokumenteve me Nënshkrim Elektronik. /e.s/
