Policia e Kukësit ka goditur një tjetër rast të trafikimit të lëndëve narkotike, në kuadër të operacionit anti-drogë të koduar “Eklipsi” ku u sekuestrohen rreth 25 kg lëndë narkotike e dyshuar kanabis sativa. Burimet zyrtare të policisë bëjnë me dije se janë arrestuar në flagrancë 4 shtetas si dhe po hetohen në gjendje të lirë dy shtetas të tjerë.
Të arrestuarit:
1-Jetmir Dega, 29 vjeç, banues në Tiranë.
2-Agron Çakrri, 37 vjeç, banues në Tropojë.
3-Sajmir Muça, 38 vjeç, banues në Tropojë.
4-Erlind Pali, 33 vjeç, banues në Tiranë.
Si dhe S.M., 53 vjeç, e P.M, 47 vjeç, të dy banues në Tropojë që pas vendimit të Gjykatës do hetohen në gjendje të lirë.
ARRESTIMI
Arrestimi i këtyre shtetasve u bë pasi mbi bazën e informacioneve të marranë rrugë operative se në drejtim të Kukësit, po lëviznin dy automjete, me targa AA 768 MU dhe AA 368 HD, njëra pas tjetrës dhe se në njërin prej automjeteve mund të kishte lëndë narkotike, janë organizuar shërbimet ku është bërë e mundur ndalimi i automjeteve së bashku me 6 persona.
Gjatë kontrollit të ushtruar në automjetin tip “Fiat”, me targa AA 368 HD, me drejtues mjeti shtetasin Jetmir Dega, në pjesën e bagazhit, u gjetën dhe u sekuestruan rreth 25 kg lëndë narkotike e dyshuar Cannabis Sativa.
Në cilësinë e provës materiale u sekuestruan: 25 kg lëndë narkotike e dyshuar si Cannabis Sativa – automjetet tip“Fiat”, me targa AA 368 HD, dhe tip “Benz”, me targa AA768 MU.
Më datë 07.10.2016 Gjykata e Rrethit Gjyqësor Kukës vendosi masën esigurisë “Arrest me burg”, për katër persona dhe masën e sigurisë “Detyrim paraqitje”, për dy të tjerët. Vijojnë hetimet për zbardhjen e plotë të kësaj ngjarje.
